moreskulane

Digital heimeskule

ingridsteinshamn@gmail.com (Ingrid Steinshamn) — Wed, 15 Dec 2021 17:35:32 GMT

Digital heimeskule torsdag og fredag veke 50

På bakgrunn av vurderingar om skulens, kommunens og landets smittesituasjon, nye karantenereglar og kravet til skulane om å sikre smittevernfagleg forsvarleg drift:

Skulen vedtek i dag digital heimeundervisning torsdag 16. og fredag 17.des.

Elevane vil få med seg naudsynt utstyr for desse to dagane, og kontaktlærarane sender informasjon om innhald og opplegg.

Vi beklagar eventuelle ulemper dette må medføre, og håper det primært vert eit bidrag til å redusere smittetrykket og kunne trygge julehøgtida og dagane noko meir for den enkelte - både med eller utan risiko for covid.

Unntak for enkelte:

Skulane og SFO skal likevel halde ope for elevar som har krav på eit tilbod etter § 3a i midlertidig forskrift om tilpassinger i reglane om barnehager, grunnskoler og videregående opplæring som følge av utbrudd av covid-19.

Merk:

Om det er elevar som har behov for å nytte eit slikt tilbod, så ber vi om at de kontaktar skulen på e-post: post@moreskodje, eller eleven sin kontaktlærar.

Sjå meir informasjon på Utdanningsdirektoratet sine sider:
https://www.udir.no/kvalitet-og-kompetanse/sikkerhet-og-beredskap/informasjon-om-koronaviruset/koronatiltak-for-barnehager-og-skoler/

Ålesund kommune har kome med lokal forskrift om karantene, 15.des kl 12.00:
https://alesund.kommune.no/aktuelt/siste-nytt/alesund-hasteinnforer-lokal-forskrift-om-karantene.31559.aspx

Har de spørsmål til tiltaket, så ta gjerne kontakt med skulen på mail post@moreskodje.no eller tlf 71 70 70 51.

Venleg helsing

Administrasjonen
ved Møre barne- og ungdomsskule Skodje

Ledige lærarstillingar

ingridsteinshamn@gmail.com (Ingrid Steinshamn) — Thu, 02 Dec 2021 07:52:36 GMT

Vi har ledig stilling som teiknspråktolk

Vi søkjer no e tter - Teiknspråktolk

Vi søker etter ein teiknspråktolk. Ansvaret vil vere å fylgje ei klasse på barneskulen og vere tolk i klasserommet.

Stillinga er midlertidig frå 01.08.24 – 31.07.25, med moglegheit for forlenging. Stillingsstorleiken er på 80% fordelt over fire arbeidsdagar (månd.-fred.).

Ønska kvalifikasjonar og utdanning:

Utdanning som teiknspråktolk

Personlege eigenskapar:

Har godt humør og gode samarbeidsevner
Kommuniserer godt med born og vaksne

Arbeidsoppgåver:

Tolking i klasserom
Samarbeide med team på trinnet
Delta på relevante møter, arrangement og kontaktmøter
Vere med i utviklingsarbeid

Me tilbyr:

· Eit godt arbeidsmiljø med dyktige medarbeidarar

· Løn etter tariff og ansiennitet

Å drive ein kristen friskule krev engasjement og fleksibilitet, og det er viktig at alle i personalet vil gjere sitt ytterste for å skape eit godt miljø med levande kristendom på skulen – slik at elevane kan trivast, vere trygge og få eit godt utbytte av skuletida. Alle tilsette ved skulen må kunne identifisere seg med, og arbeide aktivt for å fremje formålet og det kristne verdigrunnlaget for skulen. Den som blir tilsett, må også kunne leggje fram politiattest.

Spørsmål om stillinga kan rettast til: post@moreskodje.no

Søknadsfrist: 07. juni 2024

Søknad med CV sender du
pr. e-post: post@moreskodje.no
eller pr. post: Møre barne- og ungdomsskule Skodje

v/Hilde Renate S. Sleveland
Brusdalsvegen 750

6260 Skodje

Merkast med "søknad"

Nymåla garderobe-anlegg

Thu, 24 Jun 2021 16:31:27 GMT

F oreldregruppa har gjort ein stor innsats med å pusse opp garderobane på skulen. Sjå kor flott det har blitt!

Ei særskilt takk går til Knut Magne Aas som hadde eit hovudansvar for å dra i land dette prosjektet.

Takk for innsatsen!

Ny sykkelbane klar til bruk

Thu, 24 Jun 2021 16:23:35 GMT

D enne våren har FAU, med god hjelp frå foreldre vore, i sving med å arrangere dugnad.

Med Geir Morten Hokåsmoen og Sigurd Nybø har stått i spissen for å lage ei pump track/sykkel-bane. No er banen klar til bruk til hausten!

Takk for innsatsen!

Skuletur for 10. klasse

Sat, 12 Jun 2021 12:41:57 GMT

Tiande trinn har vore på klassetur i vårt eige fylke denne veka. Då smittevernet tilsa at vi ikkje fekk reise til Krakow/Auschwitz slik vi brukar å gjere i tiande klasse , la vi opp til ein tur med fokus på andre verdskrig/menneskeverd i eige fylke. Dette inkluderte ei flott omvisning på Ergan kystfort i Bud, og besøk på Ålesunds museum, der vi mellom anna fekk høyre om Steinfeldfamilien, den einaste fastbuande jødiske familien som budde i Ålesund då krigen starta.

I tillegg har vi vore på rib-tur og solnedgangstur ved Atlanterhavsvegen, paintball i Molde, escaperoom, badeland og klatrehallen i Ålesund. No er vi tilbake, fulle av inntrykk og gode opplevingar. Ein fantastisk måte å runde av ti år grunnskule på!

På leirskule

Sat, 12 Jun 2021 12:10:06 GMT

E levar og lærerar på 6.-7.trinn er heime etter tre fantastiske dagar på Stryn leirskule!

Kort oppsummert: S ol og varme, bading og mange smil, mjølkeseparering og pizza i steinomn, klatrepark og mykje me i stringsglede.

Turdagar

Tue, 08 Jun 2021 05:20:10 GMT

Måndag drog 6.-7.klassen vår til Stryn på leirskule. Dei skal vere på leirskulen til og med onsdag.

Tysdag skal 10. klasse på skuletur. På grunn av pandemien, så vart det korkje tur til Krakow eller Trondheim/Falstad, men no ser ein fram til ein tur i Møre og Romsdal med fokus på 2. verdskrigen og fellesskap. Mellom anna skal dei til Ergan kystfort som ligg i Bud i Fræna.

Besøksdag

Tue, 08 Jun 2021 05:12:35 GMT

Fredag hadde me besøksdag på Møre Skodje. Elevar som i år har gått på andre skular, men som i august skal byrje på Møre Skodje vart ynskte velkomne.

Joanna Pawliczuk skal flytte til Brusdalen, og ho har tre born som skal byrje på skulen vår til hausten. Vi fekk ein liten prat med ho i sola på besøksdagen.

- Eg opplever det er ein fantastisk atmosfære her på skulen. Her er det gode kristne verdiar. Miljøet verkar trygt for borna, og eg har ei kjensle av at borna blir sett her.

- Korleis har besøksdagen vore?

- Vi føler oss veldig velkomne, og vi har det veldig koseleg. Elles er besøksdagen ein god måte å bli kjend med skulen på. Det er veldig kjekt å vere her. Det verkar som heile skulen er som ein stor familie, seier ho.

Nytt leiarteam

Sat, 29 May 2021 19:13:35 GMT

H er vil vi gjerne presentere vårt nye leiarteam:

Hilde Renate Sleveland, ass. rektor

Håkon Hovda, rektor.

Hilde Renate har dei siste åra jobba ved ungdomsskulen vår, men er no klar for å gå inn i ei leiarstilling.

Håkon kjem frå oppgåva som rektor ved Vestborg vgs på Stranda.

Begge er tilsette i årsvikariat.

Ta godt i mot våre nye medarbeidarar!

Misjonsløp med engasjement!

Fri, 07 May 2021 15:06:11 GMT

På Møre Skodje blei det fredag arrangert misjonsløp til inntekt for Åpne Dører. Elevane hadde ansvar for å skaffe sponsorar. Pengane som vart samla inn går til Åpne Dører.

Helge Åkernes i organisasjonen var heiande og heilhjarta til stades under løpet.

- Dette er fantastisk! Elevane viser stort engasjement. Dette er veldig bra!

I løpet av veka har elevane arbeidd med prosjektet.

- Vi som har hatt ansvar for opplegget denne veka har ynskt å setje elevane inn i dei utfordringane det er å vere born av forfølgde kristne. Mellom anna har vi hatt fokus på eit nytt problem som har dukka opp under pandemien: Dei kristne får ikkje same nødhjelpa som andre får. Dei er bakerst i køen, seier Helge.

Elevane har også lært meir om andre land og om ulike land sitt flagg.

- Det er fantastisk at misjonsveka kan kuliminere i eit sånt engasjement under misjonsløpet.

Elevane sprang kohort-vis, og det ivrige personalet var enten med i arrangør- eller heiagjengen – eller sprang sjølve.

På bileta så ser ein dei yngste elevane før start, samt engasjerte lærarar.

Ny søknadsfrist: 1. juni

Fri, 07 May 2021 10:29:14 GMT

Ny søknadsfrist: 1. juni.

I førre skulestyremøtet vart det vedteke at søknadsfristen for elevplass ved Møre Skodje har blitt sett til 1. juni. Ordninga gjeld allereie frå inneverande år. Tidlegare var søknadsfristen 1. oktober. Merk dykk gjerne endringa.

Førebels så har vi ledige plassar i klassane våre, så aktuelle elevar er velkomne til å søkje!

Velkomen til ein skule med eit unikt personale!

Vi søkjer etter ass. rektor

Fri, 07 May 2021 09:44:49 GMT

IMF Sunnmøre (tidlegare Sunnmøre Indremisjon) er eigar av skulen, og er også eigar av Møre barne- og ungdomsskule i Ålesund og Møre barne- og ungdomsskule på Søre Sunnmøre.

Vi søkjer no etter:

Assisterande rektor i 100 % stilling i årsvikariat.

Alle tilsette ved skulen må kunne identifisere seg med, og arbeide aktivt for å fremje formålet og det kristne verdigrunnlaget for skulen.

Søknadsfrist: 18.05.21

Utanom ordinær CV, så kan du som søkjar gjerne fortelje noko om:

Engasjement/interesser utanom arbeid
Kvifor du kan tenke deg å arbeide på ein kristen friskule

Skulen er lokalisert i Brusdal i Ålesund kommune.

Velkomen som søkjar!

Og blir du tilsett, så blir du ynskt velkomen i eit uvanleg triveleg kollegium!

Har du spørsmål? Send mail, eller ring 71 70 70 51.

Den som blir tilsett, må kunne leggje fram politiattest.

Søknad med CV kan du sende til rektor@moreskodje.n o

Vi søkjer etter spesialpedagog, samt tilkallingsvikarar

Mon, 29 Mar 2021 09:09:27 GMT

S PESIALPEDAGOG, SAMT TILKALLINGSVIKARAR

IMF Sunnmøre (tidlegare Sunnmøre Indremisjon) er eigar av skulen, og er også eigar av Møre barne- og ungdomsskule i Ålesund og Møre barne- og ungdomsskule på Søre Sunnmøre.

V i søkjer no etter

1) Spesialpedagog i fast stilling.

Vi er i ein prosess for å bli ein dysleksivenleg skule og søkjer ein spesialpedagog med LOGOS-sertifisering eller som er villig til å bli sertifisert.
(Det kan også bli aktuelt å tilsetje fleire spesialpedagogar i fast stilling/vikariat)

Stillingsstorleikar: Inntil 100 %.

2) Tilkallingsvikarar til skule og SFO

Spes.pedagog-stillingane gjeld frå 1.8.21

Alle tilsette ved skulen må kunne identifisere seg med, og arbeide aktivt for å fremje formålet og det kristne verdigrunnlaget for skulen.

Sø knadsfrist: Torsdag 8.4.21

U tanom ordinær CV, så kan du som søkjar gjerne fortelje noko om:

E ngasjement/interesser utanom arbeid
Kvifor du kan tenke deg å arbeide på ein kristen friskule

S kulen er lokalisert i Brusdal i Ålesund kommune.

Velkomen som søkjar!

Og blir du tilsett, så blir du ynskt velkomen i eit uvanleg triveleg kollegium! :-)

Har du spørsmål? Send mail, eller ring 71 70 70 51.

Den som blir tilsett, må kunne leggje fram politiattest.

Søknad med CV kan du sende til rektor@moreskodje.n o

Mat og helse for 9. trinn

Fri, 19 Feb 2021 16:32:03 GMT

Elevane i 9. trinn har faget mat og helse på timeplanen. Denne veka laga elevane retten Chili con carne – og dei har fokus på mat og kultur i andre land. Eit godt samarbeid og meistring på kjøkkenet er nøklar til eit godt resultat.

Tiande trinn med fokus på 2. verdskrig

Fri, 19 Feb 2021 16:06:32 GMT

Tiande trinn jobbar for tida med fordjupningsemne med krigslitteratur som tema. Samtidig førebur trinnet seg til vårens store happening: Klassetur med fokus på menneskeverd/andre verdskrig. Etter kinobesøk for å sjå "Den største forbrytelsen" og eit besøk på @ålesundbibliotek avd Moa - der vi møtte blide tilsette, er gjengen klar for å ta eit djupdykk i spanande litteratur

Ledige stillingar som lærarar/rådgjevar og evt spes.pedagog - samt tilkallingsvikarar

Fri, 19 Feb 2021 14:59:02 GMT

INNTIL 3 FASTE STILLINGAR: LÆRARAR/RÅDGJEVAR OG EVT SPES.PEDAGOG, SAMT TILKALLINGSVIKARAR

IMF Sunnmøre (tidlegare Sunnmøre Indremisjon) er eigar av skulen, og er også eigar av Møre barne- og ungdomsskule i Ålesund og Møre barne- og ungdomsskule på Søre Sunnmøre.

Vi søkjer no etter

1) To lærarar som kan ta kontaktlærar-ansvar. Gjeld både barne- og ungdomsskulen. Inkludert i den eine stillinga ynskjer vi ein rådgjevarfunksjon (u-skulen) på 10 %.

Stillingsstorleik: Inntil 100 % kvar

2) Spesialpedagog: Det kan også bli aktuelt å tilsetje ein spesialpedagog i fast stilling.

Stillingsstorleik: Inntil 100 %.

3) Tilkallingsvikarar til skule og SFO

Dei faste stillingane gjeld frå 1.8.21

Alle tilsette ved skulen må kunne identifisere seg med, og arbeide aktivt for å fremje formålet og det kristne verdigrunnlaget for skulen.

Søknadsfrist: 02.03.21

Utanom ordinær CV, så kan du som søkjar gjerne fortelje noko om:

Engasjement/interesser utanom arbeid
Kvifor du kan tenke deg å arbeide på ein kristen friskule

Skulen er lokalisert i Brusdal i Ålesund kommune.

Velkomen som søkjar!

Og blir du tilsett, så blir du ynskt velkomen i eit uvanleg triveleg kollegium!

Har du spørsmål? Send mail, eller ring 71 70 70 51.

Den som blir tilsett, må kunne leggje fram politiattest.

Søknad med CV kan du sende til rektor@moreskodje.n o

First Lego League-nominasjon

Tue, 22 Dec 2020 12:25:48 GMT

E levane i 6./7. trinn har i haust vore med på First Lego League. Det var eit åtte veker langt prosjekt med temaet RePlay – å finne tilbake til leiken.

Klassen blei delt i tre grupper, men før dei jobba i grupper laga dei i fellesskap denne problemstillinga: «Korleis kan teknologi hjelpe dei eldre som bur heime til å bli meir fysisk aktive?»

Den eine gruppa jobba fram ei løysing på det. Gruppa laga ein demo-app som kan hjelpe dei eldre til å bli meir fysisk aktiv.

Den andre gruppa programmerte robot-køyring med legofigurar som var i tråd med problemstillinga.

Den tredje gruppa sørga for marknadsføring, skaffa sponsorar og laga stand.

Dei ulike gruppene presenterte produkta sine for dei andre elevane på barneskule her på tunet via videooverføring.

Under finaledagen i november så følgde 6./7. trinn med på den direkte overføringa av finalen frå NMK i Ålesund. Då var det finalefest med brus og kaker.

Av dei 33 skulane som med i konkurransen frå regionen, så vart gjengen vår ein av fem skular som vart nominerte til å vinne "Prosjektprisen". Denne prisen gjekk til det laget som gjennom sitt arbeid Viste at dei verkeleg fullt hadde forståing for årets tema. Det blei ikkje seier på gjengen vår, men å bli topp 5 av 33 skular er ein prestasjon i seg sjølv.

Vi gratulerer!

BlimE-dansen

Tue, 22 Dec 2020 11:59:36 GMT

No oppunder jul legg vi ut to saker om hendingar denne hausten. Her kjem den eine.

BlimE er NRK Super og Redd Barna sin venskapskampanje. Målet er å fremje venskap og omsorg for kvarandre.

Elevane på barnetrinnet har i haust øvd inn ein dans i samband med BlimE. Linken til dansen kan ein finne nedanfor.

Skular over heile landet har øvd inn dansen. Biletet er frå då vi spelte inn opptaket i november.

Ledige stillingar som spes.ped-lærar, miljøterapeut og tilkallingsvikarar

Tue, 01 Dec 2020 11:47:31 GMT

L EDIGE STILLINGAR, VIKARIAT

IMF Sunnmøre (tidlegare Sunnmøre Indremisjon) er eigar av skulen, og er også eigar av Møre barne- og ungdomsskule i Ålesund og Møre barne- og ungdomsskule på Søre Sunnmøre.

V i søkjer no etter

1) Spesialpedagogar eller lærarar med erfaring frå spesialpedagogisk arbeid. Stillingstorleik: Inntil 100 %, men kan delast mellom fleire.

2) Miljøterapeut. Stillingsstorleik: Etter avtale

3) Tilkallingsvikarar til skule og SFO

Arbeidstidsrom: Så snart som mogleg og ut skuleåret 2020-21

ARBEIDSOPPGÅVER FOR SPES.PEDAGOG:

Spesialundervisning knytta til enkeltelevar og lita gruppe.
Delta i spesialpedagogisk team
Være med å bygge opp og systematisere det spesialpedagogiske arbeidet ved skulen.

ARBEIDSOPPGÅVER FOR MILJØTERAPEUT

Følgje opp enkeltelevar/små grupper

ARBEIDSOPPGÅVERT FOR TILKALLINGSVIKAR

Vikariere for lærarar, miljøterapeutar og assistentar i skule og SFO

Alle tilsette ved skulen må kunne identifisere seg med, og arbeide aktivt for å fremje formålet og det kristne verdigrunnlaget for skulen.

Søknadsfrist: 9.12.20

Utanom ordinær CV, så kan du som søkjar gjerne fortelje noko om :

Spes.ped og/eller miljøterapeut-erfaring
Engasjement/interesser utanom arbeid
Kvifor du kan tenke deg å arbeide på ein kristen friskule

S kulen er lokalisert i Brusdal i Ålesund kommune.

Velkomen som søkjar!

Og blir du tilsett, så blir du ynskt velkomen i eit uvanleg triveleg kollegium!

Har du spørsmål? Send mail eller ring 71 70 70 51.

Den som blir tilsett, må kunne leggje fram politiattest.

Søknad med CV kan du sende til rektor@moreskodje.n o

Vil du vere med på oppturen?

Fri, 18 Sep 2020 09:14:23 GMT

Møre barne- og ungdomsskule Skodje er fem år. Rektor Ingrid Kvam Steinshamn har saman med styret og dei tilsette gjort ein kjempeinnsats å etablere og utvikle ein god skule.

Ein peikepinn på at vi er inne i ein god fase, er at frå slutten av juni til i dag har elevtalet auka frå 75 til 82. Det gjer at til dømes 6./7. klasse no er heilt full med 20 elevar.

Underteikna overtok som vikarierande rektor 1. august. Sånn eg vurderer det, er ein veldig viktig årsak til denne veksten eit personale som jobbar etter det kristne verdigrunnlaget.

Her gjer vi dagleg feil alle saman, men likevel ynskjer vi å støtte kvarandre.

Det gjeld også ovanfor elevane.

Og dersom ein elev opplever støtte, så veks ein og vert meir sjølvstendig. Det har vi sett mange døme i elevflokken i desse fem åra.

Her har vi elevar som synest det er utfordrande med skulefag. Her har vi elevar som skulefag ligg lett for. Likevel kan ein lære av kvarandre og gå saman. Dette er ein av styrkane til Møre Skodje, og denne styrken kjem av eit personale som har høg kompetanse på å møte elevane der dei er.

Vi tek inn elevar fram til 1. oktober for inneverande skuleår.

Vil du vere med på oppturen som vi er inne i?

Med helsing vikarierande rektor Lars Johan Stokken

- Veldig fin start

Wed, 02 Sep 2020 09:35:50 GMT

Skuleåret og skulelivet er i gang for dei nye fyrsteklassingane.

I år byrja det fem fyrsteklassingar ved skulen vår. Marianne Ødegård og Marie Vartdal Clausen har hovudansvar for gjengen. Dei let vel over starten på skuleåret.

- Dei er ein veldig flott og fin gjeng som er skuleklar og motivert for å lære, seier Marianne.

Marie er samd.

- Vi har hatt ein veldig fin start med mykje leik og læring. Det er ein kjempefin gjeng som har blitt ei god gruppe som høyrer saman. Då vi skulle lage klassereglar, så ville dei ha med blant reglane at alle skulle ha nokon å leike med. Eg gler meg til å gå på jobb kvar dag, seier ho.

Er du vår nye teiknspråktolk?

Wed, 03 Jun 2020 09:34:55 GMT

Er du vår nye teiknspråktolk?

Vi søkjer etter ein dyktig teiknspråktolk med kompetanse og erfaring frå tolking av teiknspråk i barneskule. Vi vil presisere at du som tolk vil kunne rekne med tolkeoppgåva som arbeidsoppgåve, og andre oppgåver/ansvarsområder vert kun gitt etter avtale.

ARBEIDSOPPGÅVER:

Tolking av undervisning - med teiknspråk (etter §2-6 Teiknspråkopplæring i grunnskolen)

Det femte skuleåret vårt er godt i gang, og med stadig nye elevar til skulen vår så har vi innhaldsrike dagar. Alle tilsette ved skulen må kunne identifisere seg med, og arbeide aktivt for å fremje formålet og det kristne verdigrunnlaget for skulen. Å etablere ein ny kristen friskule krev engasjement og fleksibilitet, og det er viktig at alle i personalet vil gjere sitt ytterste for å skape eit godt miljø med levande kristendom på skulen – slik at elevane kan trivast, vere trygge og få eit godt utbytte av skuletida.

Den som blir tilsett, må kunne leggje fram politiattest.

Spørsmål om stillingane kan rettast til underteikna: r ektor@moreskodje.no

S øknadsfrist: 12. juli 2020

Utanom ordinær CV inkl både utdanning og arbeidserfaring, så kan du som søkar gjerne fortelle noko om :

Skildre erfaring innan teiknspråkopplæring og tolking

Skildre erfaring med undervisning på barneskule (om du har erfaring med dette)

Engasjement/interesser utanom arbeid

Kvifor du kan tenke deg å arbeide på ein kristen friskule

Kvifor du kan tenke deg å arbeide på ein skule i oppbyggingsfase

Søknad med CV sender du til rektor@moreskodje.no eller pr post:

Møre b arne- og ungdomsskule Skodje

v/ rektor Ingrid Kvam Steinshamn

Brusdal 6260 Skodje

Meir info på w ww.moreskodje.no eller på Facebook: Møre barne- og ungdomsskule Skodje

Nytilsett administrasjonsleiar

Tue, 26 May 2020 10:04:58 GMT

Administrasjonsleiar på plass!

Denne hausten startar ny administrasjonsleiar på Møre Barne- og ungdomsskule Skodje.

Ein spennande kvardag i et dynamisk og aktivt skulemiljø passar han midt i blinken.

Skule er ikkje noko nytt for den nytilsette administrasjonsleiaren på Møre Barne- og ungdomsskule Skodje. Lars Johan Klokk har i ei årrekke vore tilknytta Ålesund Folkehøgskule som inspektør og lærar. Det siste året har han hatt stilling som rektor og arbeidd med etableringa av den nye folkehøgskulen i Ørskog. Sidan oppstart av folkehøgskulen vart utsatt eit år har han takka ja til ei deltidsstilling som administrasjonsleiar på Møre. Her vil han arbeide tett saman med leiar- og administrasjonsteamet som frå hausten vert leia av Lars Johan Stokken som nytilsett rektor.

- Vi gler oss over å få låne Lars Johan til å bistå i administrasjonen til skulen denne hausten - han er allereie i gang med innføring og opplæring her i Brusdalen, forteller rektor Ingrid Kvam Steinshamn.

På spørsmål om han gler seg til å starte i jobben seier han:

- Jau, det kan eg greie, jau, det går nok an. Om nokon vil seie dei trur at eg kan! , smiler 52-åringen som opphavleg kjem frå Sykkylven og er busett på Emblem. Sitatet er henta/lånt frå diktet "Eg kan" av Ingvar Moe.

Klokk vil starte delvis opp før sommaren for å gjere klart til elevinntaket og dagleg drift frå august 2020.

Ny rektor på plass

Tue, 14 Apr 2020 11:04:57 GMT

Ny rektor i to års vikariat hjå Møre barne- og ungdomsskule Skodje

Hausten 2020 er ny rektor på plass hjå Møre barne-og ungdomsskule Skodje. Stillinga er eit to års vikariat og den tilsette er Lars Johan Stokken.

Noverande rektor Ingrid Kvam Steinshamn skal ut i to års permisjon for å arbeide med skuleutvikling. I mellomtida tek Lars Johan Stokken over stafettpinnen for å lede den kristne friskulen i Brusdalen.

Den 51 år gamle rektorvikaren er gift og har tre born. I dag er han tilsett som lærar ved Vestborg vgs på Stranda og har tidlegare vore lærer på Stette-og Vatne barneskule og Vatne ungdomsskule. Han har fleire års erfaring som mentor og rådgjevar i fotballsamanheng og i rekrutteringsprosessar for NLM-skulane. I tillegg har han arbeidd som frilansjournalist og oversettar.

-Det er med stor glede eg takkar ja til vikarstillinga som rektor ved Møre barne-og ungdomsskule Skodje. Eg gler meg til å jobbe saman med born og unge i alderen frå 6 til 16 år, og eg ser fram til å få samarbeide med eit kollegium eg har høyrt mykje positivt om , seier Lars Johan som i dag er busett i Skodje.

Saman med leiar-og administrasjonsteamet vil han få leie skulen inn i ei spanande tid med ny læreplan, skuleutvikling og nytt bygg på agendaen.

-Det er spanande og kanskje litt skummelt å skulle låne frå seg rektorstolen for ei tid. Det er nemleg ein fantastisk skule og arbeidsplass som eg har blitt veldig glad i, og som eg er stolt over at andre skal få lov til å oppleve –samstundes som eg veit eg kjem til å sakne det enormt mykje. Så får vi håpe at eg får høve til å samarbeide med Møre Skodje også i skuleutviklar-rolla eg no skal inn i , avsluttar noverande rektor, Ingrid Kvam Steinshamn.

Kvifor kristen friskule?

Wed, 15 Jan 2020 08:42:48 GMT

Kvifor kristen friskule i 2020?

Det er ulike grunner til at fleire i dag vel vår skule for sine born og ungdommar. Nokon vel skulen vår først og fremst fordi det er ein kristen skule. Andre vel oss fordi det er ein god skule med godt læringsmiljø og god trivsel.

Trivsel og læring

Vi ynskjer å tilby eit alternativt skuletilbod til den kommunale skulen med fokus på den kristne historia og kulturarven som tilhørar landet vårt. Som skule vil vi hjelpe foreldre med utdanning og danning av barn og ungdommer i Ålesund og omegn. Dette gjer vi ved å bruke undervisningspraksis som er tett knytt opp til læreplanar, forsking og tverrfagleg profesjonsfellesskap.

For at elevane skal lære best mogleg, arbeider vi systematisk med innlæring av nye/ukjente begrep, noko som gjev betre læreforståing og progresjon i læringa. Forsking viser at dette er med å førebyggja lærevanskar. Borna vert meir fokuserte, hugsar betre og får større motivasjon for læring. Vi har ansatte med spesialkompetanse på ei rekke ulike områder for å gi elevane eit best mogleg tilbod og syte for at kvar einskild får tett oppfølging heile vegen frå skulestart til overgang frå ungom- til videregåande skule.

Nøytral skule?

Ingen skular er nøytrale. Alle formidlar tru og livssyn, men KVA som vert formidla kan vere nokså ulikt. Sunnmøre Indremisjon har vore ein god samarbeidspartner og pådrivar for alle Møre-skulane sidan 1996. På Møre barne- og ungdomsskule Skodje vil vi vere ærlege og tydlege på kva innhald og verdiar som vert formidla. Skulen er ein grunnskule frå 1.-10. klasse med kristen formålsparagraf og eigen læreplan i kristendomsfaget, godkjend av Utdanningsdirektoratet.

Den kristne historia, bibelfortellingane og kulturen er ein viktig og positiv del av skulekvardagen. Fagfornyinga 2020 (ny læreplan), rammer og gode verktøy frå Utdanningsdirektoratet og andre læringssenter er også ein naturleg del av kvardagen vår. Vi har fokus på dei grunnleggande ferdighetene og arbeider for å styrka kompetansen og sikre god progresjon for alle elevane våre.

Menneskeverd

Dei som arbeider på skulen er viktige førebilete for elevane både på skulen og privat. Ein skal på ein positiv måte hjelpa elevane med dei utfordringane som livet gjer. Det inneber at ein viser elevane respekt og bidrar til at dei utviklar eit sunt sjølvbilete. Vi trur at alle menneske er skapt i Guds bilete og har derfor same menneskeverd. Dette inneber at sjølv om det kan vera store skilnader og føresetnader hjå kvar einskild er alle like mykje verd, og dette er ein verdi vi ynskjer å løfte tydeleg fram.

Alle våre ansatte har ei unik bredde av kompetanse og erfaring, som vi stadig arbeider med å kunne knytte best mogleg til beste for elevane våre. Vårt mål er å gje utdanning , haldningar og kristne verdiar til framtidas vaksne.

Åpen skule 15. januar

Tue, 07 Jan 2020 09:39:16 GMT

Den 15. januar klokka 17.00 har vi åpen skule!

Vi ønsker å vise fram skulen vår som no ligg i sentrum av nye Ålesund kommune , i harmoniske omgjevnader i Brusdalen. Difor inviterer vi alle til åpen skule hos oss onsdag den 15. januar klokka 17.00. Her får du eit innblikk i vår skulekvardag med fokus på kva vi lærer, kven vi er og kvifor vi meiner det er viktig å drive ein kristen friskule i 2020. Vi ynskjer å vise fram lokala våre og samstundes informere litt om kva vi tenkjer for framtida med kjøp et ny tomt og planlegging av nytt skulehus.

Skule for framtida

Som skule ynskjer vi å rigge oss for framtida med visjon om å skape landets beste barne- og ungdomsskule sentralt i den nye storkommunen. Vi bygger skule på eit kristent fundament med menneskeverd og respekt for andre forankra i våre verdiar. Vi bygger ein skule kor elevane blir sett og får tett oppfølging av kompetente lærarar som alle deler våre verdiar og formidlar desse vidare til elevane. Med ny læreplan går vi på djupet i kunnskapen med gode og trygge rammer forankra i eit kristens menneskeskyn. Du kan lese meir om våre verdier her og du kan også sjekke ut vår facebookside for nyheiter og løpende informasjon om kva som skjer.

Skulen ligg i Brusdalsvegen 750. Du kan følge E39 og ta av mot Reiakvam eit lite stykke før Digerneset. Då følger du vegen 200 meter og tar av første avkøyrsel til høgre. Sjå kartet under eller følg linken her.

Vi bygger skule for framtida

Fri, 03 Jan 2020 11:45:10 GMT

Vi rigger oss for framtida

Fredag 6. desember overtok Møre Barne- og ungdomsskule eigendomen dei har kjøpt i Brusdalen. Det har vore ei etterlengta avslutning på ei lang avklaringsprosess.

- No kan vi endeleg fortelle framtidige elevar og foreldra deira kvar skuletomten vår er , fortell rektor Ingrid Kvam Steinshamn hos Møre Barne- og ungdomsskule Skodje i Brusdalen.

Skulen er på femte driftsåret med ei veksande elevmasse komande haust. Fram til no har skulen leigd bygningsmassen til gamle Brusdalen Skule, men har sidan sommaren vore i konkrete forhandlingar med Skodje kommune om kjøp av tomta dei driv skule på.

- For oss har det vore naudsynt å avklare skuletomt grunna auka elevmasse og framtidig satsing. Vi ynskjer å legge til rette for vidare vekst samtidig som vi utviklar skulen med tanke på dei endringane som skjer i samfunnet. Dette er både knytt opp mot ny læreplan og det heilhetlige fokuset vi har som kristen friskule , fortsetter Steinshamn.

I sentrum av storkommunen

Som etablert friskule i Skodje kommune har elevmassa hovudsakelig kome frå Skodje, Haram, Ørskog og Ålesund. Med befolkningsauke og kommunesamanslåing har Steinshamn tru på at skulen vil få ein naturleg tilvekst frå nærområdet, samtidig som dei ynskjer å vere kjend for tett elevoppfølging og eit godt skulemiljø tufta på eit kristent menneskesyn.

- Vi legg jo tydeleg merke til den eksplosive veksten på Digerneset og området rundt. Pilene peiker oppover og det er allereie starta etablering av tomter til bolegformål i same område. Slik vi ser det vil Digerneset bli eit naturleg sentrum for mange i den nye storkommunen, og då har det vore ønske frå oss, og foreldregruppa vår, at vi posisjonerer oss i nærleiken med eit godt skuletilbod , seier rektoren.

Framtidsplanar

Styret har dei siste fem åra arbeidd med å finne permanent plassering for skulen. Det har vore spelt inn fleire ulike tomte og bygningsforslag til arealplansarbeid og kommuneplanarbeid. Ingen av desse forslaga har vorte tatt vidare, men det har vore anbefaling frå politikarar i Skodje kommune om å etablere og drive skulen nettopp her i Brusdalen. Både styret, personalet og foreldregruppa ser på Brusdalen som ein god stad å drive skule.

- Vårt mål er å drive ein skule der kvar einskild elev vert sett og følgt tett opp av engasjerte lærarar. På den måten skaper vi gode og trygge læringsmiljø kor elevane vert trygge på seg sjølv og utrusta for det livet bur på i åra som kjem. Vår beliggenheit er nokså unik med tanke på alle moglegheitene vi har i nærområdet rundt oss. I tillegg har vi ein stab beståande av svært kompetente lærarar, spesialpedagogar og miljøterapeutar som sørger for at elevane får den hjelpa dei treng, uansett kva slags grunnlag dei har , avslutter rektor Ingrid Kvam Steinshamn ved Møre Barne- og ungdomsskule Skodje.